Profesori universitar Arben Fetoshi thotë se dështimi i Josep Borrell si kryediplomat i BE-së duke mos arritur ta ruajë neutralitetin si ndërmjetës, shpjegon dështimin 10 vjeçar të BE-së si faktor politik ndërkombëtar dhe domosdoshmërinë e përfshirjes së drejtpërdrejt të SHBA-ve në zgjidhjen e problemit Kosovë-Serbi.

Fetoshi e ka quajtur Serbinë si dashnore e dy shteteve të forta Amerikë-Rusi.

“Interesi strategjik i Perëndimit për ta shkëputur Serbinë nga Rusia, nuk mund të realizohet në kurriz të Kosovës, por vetëm në funksion të normalizimit dhe forcimit të paqes në Ballkan. Për këtë arsye, #US dhe #EU duhet ta kushtëzojnë Serbinë që ta pranojë sa më parë normalizimin me Republikën e Kosovës dhe t’ia bëjnë të pamundur aktrimin e blerjen e kohës nga pozicioni i “dashnores” së dy të fortëve – Rusisë dhe SHBA-ve”, ka thënë ai.

Sipas Fetoshit, çdo qasje tjetër çon në zgjidhje të keqe me potencial konflikti të ri. /arbresh.info/